Stéierfeldsanéierung

Stéierfeldsanéierung

Homepage

Wat versteet déi alternativ Zännmedezin ënner Stéierfelder am Mondraum?

Am Fokus vun der biologescher Zännmedezin steet d’Wëssen, datt d’Zänn a Verbindung sti mam Rescht vun eisem Organismus an esou Auswierkungen op eis ganz Gesondheet kënnen hunn. Stéierfelder am Mondraum si Prozesser, déi Auswierkunge kënnen hunn op aner Systemer an eisem Organismus an op laang Dauer onerwënscht chronesch Verännerungen ausléise kënnen. Déi ganzheetlech Zännmedezin geet dovun aus, datt et z.B. duerch Entzündungsprozesser am Beräich vum Kifer zu verschidden Erkrankunge komme kann, dëst iwwer Verbindungen zu den Organer. Méiglech Erkrankunge sinn z.B. Rheuma, Multiple Skleros, chronesch Funktiounsstéierunge vun aneren Organer, Kriibs, Autoimmunkrankheeten a vill aner Krankheetsbiller. Dacks handelt et sech bei deene Stéierfelder ëm

  • Wäisheetszänn
  • Entzündunge vun de Kiferknachen
  • Extraktiounswonnen, déi net vollstänneg verheelt sinn
  • Parodontitis an en Usammele vu Bakterien an den Täsche vum Zännfleesch
  • doudeg Zänn, bei deenen d’Wuerzel behandelt ginn ass
  • verlagert Zänn
  • Zännfëllunge (virun allem Amalgam) oder Zännersatz (besonnesch, wann dës aus Metall bestinn)

Stéierfelder vum mënschlechen Organismus

Wéi wierken sech Stéierfelder op den Organismus aus a firwat ass et derwäert, eng Stéierfeldsanéierung virzehuelen?

Stéierfelder tendéieren derzou, dat sympathescht Nervesystem ze aktivéieren. D’Folleg dovun ass, datt de Kierper am Stresszoustand ass an d‘Stresshormoner Kortisol an Adrenalin vill méi ausschëtt. Dëst féiert dann dozou, datt d’Gefäässer méi enk ginn a vill méi Blutt an d’Muskulatur kënnt. Wichteg Funktioune vum Immunsystem an d‘Regeneratioun vum Kierper gi behënnert. Eng Iwwersaierung vum Organismus ass eng weider Folleg. Hei gräift déi biologesch Zännmedezin an.
Portrait of fair-haired beautiful female student or customer with broad smile, looking at the camera with happy expression, showing thumbs-up with both hands, achieving study goals. Body language

Wéi geet de biologeschen Zänndokter vir bei enger Stéierfeldsanéierung?

An der biologescher Zänndokteschpraxis gëtt als éischt e Stéierfeld detektéiert, fir de Problem, deen derhanner stécht, genau ze lokaliséieren. Dëst féiert de ganzheetlechen Zänndokter mat Hëllef vu Resultater vu klineschen Ënnersichungen a mat Hëllef vu Rëntgen aus. Duerno stinn dem biologeschen Zänndokter verschidden Techniken zur Verfügung, mat deene Stéierfelder eliminéiert kënne ginn. An der Reegel handelt et sech dobäi ëm chirurgesch Techniken. Et ass och sënnvoll parallel eng Therapie mat Närstoffer ze maachen, fir den Organismus ze ënnerstëtzen.